Bizkaian kokatutako enpresa honek 70eko hamarkadatik hona ibilbide sendoa egin du ardoak botilatzeko eta merkaturatzeko sektorean. Enpresak bere upeltegia du Errioxan, eta lankidetza estuan aritzen da Errioxa, Rueda eta Txakolina jatorri-deituretako beste upeltegi batzuekin.
Instalazioak erabat hornituta daude eta botilatzeko, salgaiak jasotzeko, biltegirako eta bulegoetarako eremu espezifikoak daudenez, ekoizpen-prozesuaren kudeaketa integrala egin daiteke.
Konpainiak bezero-zorro finkatua du, batez ere Bizkaiko eta Kantabriako ostalaritzen sektorean; horren ondorioz, merkataritza-jarduera egonkorra eta hazteko aukera duena bermatzen da.
Ezin hobea izango litzateke enpresa eskuratu nahi duen pertsonak ardoaren mundua ezagutzea edo, gutxienez, harekiko benetako interesa izatea, negozio espezializatua baita. Ildo horretan, egungo jabea prest dago aldi batean laguntzeko, trantsizioa arina eta arrakastatsua izatea erraztearren.
Eskualdaketa hau aukera bikaina da ardogintzaren merkatuan historia, azpiegitura sendoa eta posizionamendua dituen negozio batean sartu nahi duten ekintzaile edo profesionalentzat.
Kokapen zehatza:
| Eskualdatzearen arrazoia: | Erretreta |
|---|---|
| Eskualdatzeko aurreikusitako epea: | 1-2 urte |
| Negozioaren antzinatasuna: | 1970 |
| Kontratuaren egoera: | Jabetza |
| Beste ekipamendu eta/edo instalazio batzuk: | Enpresak bere upeltegia du Errioxan, eta lankidetza estuan aritzen da Errioxa, Rueda eta Txakolina jatorri-deituretako beste upeltegi batzuekin. Instalazioak erabat hornituta daude eta botilatzeko, salgaiak jasotzeko, biltegirako eta bulegoetarako eremu espezifikoak daudenez, ekoizpen-prozesuaren kudeaketa integrala egin daiteke. |
| Lantaldea: | Besteren konturako langile bat |
| Tutoretza: | Bai |
| Balorazioa egin aurreko estimazioa *: | 100.000€ baino gehiago |
* Demak baloraziorik egin ez duenez, jabeak egindako estimazioa.
Programaren lidergoa:
Bizkaiko Foru Aldundiaren Enplegua, Gizarte Kohesioa eta Berdintasuna Sustatzeko Saila.
Programaren garapen arduraduna:
DEMA Enpresa Garapena, Enplegu eta Ekintzailetza Foru Agentzia
Kolaboratzaile nagusia:
Bizkaiko Behargintzak sarea.
Negozi-ONek cookie propioak eta hirugarrenenak erabiltzen ditu erabiltzaile esperientzia hobea izan dezazun, zure nabigazio ohituren arabera egindako profil batean oinarrituta, bai eta informazio estatistikoa lantzeko ere. Konfigurazioa aldatu, edo baztertudezakezu, baita informazio gehiago lortu ere.