NEGOZION EMPREST
ENPRESAK LANGILEEI
ESKUALDATZEKO PROGRAMA
JABEEN ALDETIK ERRELEBORIK EZ BAINA KAUDIMENGABEZIAREN ARRISKURIK ERE EZ DUTEN ENPRESAK

Enpresaren jabeekin bilera:

• Helburuak eta asmoak zehazteko
• Enpresaren ezaugarriak:
  • Enpresaren oinarrizko informazioa.
  • Aurrekari garrantzitsuak
  • Kapitalaren egitura
  • Langileen egitura

Enpresaren jabeek emandako informazioan oinarrituta, negozio-eredua eta egoera ekonomiko-finantzarioa aztertzen dira.

• Balio-proposamena eta merkatuko posizionamendua aztertzea.
• Negozioaren funtsezko baliabideak aztertzea.
• Enpresaren egoera ekonomiko-finantzarioa aztertzea eta ondare-egoeraren balorazioa egitea.

Negozioaren diagnostikoa eta egungo egoeraren azterketa egin ostean, jabeek etorkizunerako duten ikuspegia aztertuko dugu, eta ikuspegi horretan oinarrituta egingo da enpresaren balorazioa.

Hona hemen jarraituko den metodologia:

• Negozioaren etorkizuneko bilakaeraren hipotesia egitea, jabeen arabera.
• Negozioaren proiekzio ekonomiko-finantzarioa egitea, planteatutako hipotesian oinarrituta.
• Enpresaren balorazioa.

Enpresako langileekin bilerak egitea:

• Baloratzeko langileek zer ahalmen duten enpresa eskuratu eta kudeatzeko.
• Zehazteko langileek partaidetza-proiektuarekiko zer nolako konpromiso indibidualak hartuko dituzten.
• Funtsezko talde ekintzailea proposatzeko, baita lidergo egitura berria eta behar bezala funtzionatzeko euskarriak ere.

Jabeek negozio-ereduari eta merkatuko posizionamenduari buruz emandako informazioan eta ondare-egoera ekonomiko-finantzarioan oinarrituta, talde ekintzailearen etorkizuneko ikuspegia aztertuko da, ikuspegi horretan oinarrituta egingo da enpresaren balorazioa. Hona hemen jarraituko den metodologia:

• Negozioaren etorkizuneko bilakaeraren hipotesia egitea, talde ekintzailearen arabera.
• Enpresaren etorkizuneko estrategia partekatua zein hipotesitan oinarrituko den aukeratzea.
• Negozioaren proiekzio ekonomiko-finantzarioa egitea, planteatutako hipotesian oinarrituta.
• Enpresaren balorazioa.

Jabeek eta talde ekintzaileak balorazioa egiteko prozesua burutu ostean, DEMAtik:

• Negoziazio-prozesuan partaide diren aldeei lagunduko diegu eskualdaketaren bideragarritasunarekin lotutako adostasun batera irits daitezen, bai bideragarritasun ekonomikoari dagokionez (eskualdatzearen prezioa), bai antolamenduaren bideragarritasunari dagokionez (jabeak negozioaren kudeaketatik ateratzeko prozesua)
• Oinordetza-proiektuaren finantzaketarako hainbat aukera aztertuko ditugu.
• Partaidetza-egituraren diseinuari buruzko orientabidea emango dugu (oinordetzaren egitura juridikoa).

• Jabeek eta langileek partaidetza-proiektuarekiko zer nolako konpromiso indibidualak hartuko dituzten zehaztea.
• Lortutako akordioak formalizatzea.